كتب الكتاب ......بقلم الشاعرة المبدعة : نعيمة رحيمي

كتب الكتاب
عالمأذون يلا نكتب الكتاب
ونعلي ياسيدي الجواب
خلي كل الحبايب يفرحوا
أهل ولة وصحاب
من يومك ياسيدي من يومك
كل أملاكك بقيت ملك إيدي
إن كان ليك بيت أو ماهية
أو ياعيني فلوس مخبية
مأنت على بعضك بقيت ملك إيدي
صحيني الصبح بوردة
وجيبلي الفطار لإيدي
ماهو أنا حبيبتك يا سيدي
ولازم تنسى كل الستات اللي قبلي
لا تقوللي دي صديقتي
ولا دي كانت خطيبتي
ولا بعيونك تلاحق واحدة معدية
مانا مجنونة ياعيني
ويمكن أخنقك بإيدي
ما فيش شات وفيس
ولا قعدة قهوة وصحاب
يرضيك أبقى لحالي
وأسهرعلى التلفزيون والكتاب
ساعدني يا عيني ساعدني
وخرط معاي المخلوخية
ماهم عيالك عيالي
ولازم تروح وترجع قبل المغربية
راحت عليك أيام الشباب
وبقيت أبو العيال
بنتك بنادي يابابا
وإبنك بنادي إلحقني يابا ضربتي العيال
بعدي عمرك بين هات وهات
وكلوا على ده الحال
ماهي دي سنة الحياة
ولازم تشيل حمل وأحمال
بكرة راح تبقى جدو
وعندك حفيد صغير
بتعدي السنين من عمرك
وكل يوم الحال بيتغير
ماهي دنيا دايرة دوارة
والعمر كل يوم بيقصر
نعيمة رحيمي