مجلة شعراء موسيقى الشعر العربي --الشاعر القدير عبد العليم ابو عبده --قصيدة ومنين الكرامة تكون ---تحياتي

ومنين الكرامه تكون ----- والناس على بعضها بتهون -- وساعة الجد -- الحيل اتهد وحل السكون -- والكل مالكه الغل -- والشمس محت الضل -- وان لقيت كفو البيت حتلاقى الغلا ملعون -- وان قولت ياريت -- حنروح ف شتيت -- من كلام الاكابر وسوء الظنون -- وان اصبحت عاقل -- فضيحتك حتبقى بجلاجل -- لانك عايش ف عالم مجنون -- وان قولت الصراحه -- حتلقى الراحه ف المنون -- جرب تحترم نفسك -- حتلاقى بؤسك -- جنب الحيط مركون -- وكلام الناس-- وكاس-- وف الاساس-- الاصل والفصل -- ما عون -- والكل كاره حاله -- لكن هنياله -- اللى عنده السكر واللمون -- وما بيشحتش الرغيف -- وعايش شريف -- وخالى م الديون -- واللقمه حاف -- والانصاف --- تحت الجقون -- دموع -- وجوع -- والكل طوع -- خايف م السجون -- والمرمطه قن -- حاجه تجن -- والغنى بيرن والفقير بيئن -- والمحبه عرجون -- ومنين الكرامه والكل مناخيره ف الارض -- من الطاعه العاميه -- للطين والطاميه -- والانفس العاميه -- وبتودى اللاهون-- وبتجرجر -- المتحرحر -- على بطنه -- عشان يشم عطنه -- وهمه المكنون -- ولو نام حينام محزون -- وبسمع كلام الاغانى -- شكل تانى -- رخا -- وفخقخه -- وغسيل بصابون -- وتعمه -- واللى يكرهها يعمى -- ماليه البطون -- واللى مش لاقى ياكل -- عامل مشاكل -- اكمنه ملعون -- م الحكومه -- والبومه -- واسود اللون -- ناس ملهاش بخت -- وعاوره يخت -- تركبه زى فرعون -- وتعبش ف نزاهه--- وتنسى الاهه -- والفرض يلغى الظنون -- والخير جاى بالويبه والقفه -- والاغنيا ف كقه -- ف ميزان العيون -- والغلابه جاتهم هقه -- وليهم الصبر -- والقبر-- والمنون --------------------------------------------------------- الشاعر \\ عبد العليم ابو عبده