مجلة شعراء موسيقى الشعر العربي --الشاعر القدير عبد العليم أبو عبده --قصيدة انا كده ميت مرتاح--تحياتي

انا كده ميت مرتاح ----- بعيد عن النواح -- والزعابيب والرياح -- والمياتم والافراح -- لاعندى شلل ولا كساح -- ولابجنى م الفساد ارباح -- ولاليه ف الصمت ولا الصياح -- ولا اعرف الليل م الصباح -- ولاعريان -- ولا متغطى بوشاح -- ولاشايف غراب البين -- ولا البلبل الصداح -- معنديش -- غدو ولارواح -- ولاخمره -- اشربها ف الاقداح -- ولاتعبان يلدغنى -- ولا ياكلنى تمساح -- انا كده ميت مرتاح ------ لاباكل مانجه ولاتفاح -- ولام المش والغش عندى املاح --- ولا ع الدنيا منطاح -- ولاحيلتى حاجه وضاعت -- سداح مداح -- ولابشمت ف اللى عايش -- او اللى مات من ارواح -- ولاجعان وهقتان -- ولابطنى عايشه الانشراح -- ولاامى ريمه -- ولا ابويه مشكاح -- وبكره الجد -- والمزاح -- وميت سكيتى-- بعد ما خلصت فتاقيتى -- وحياتى كانت قصة كفاح -- انا كده ميت مرتاح ------- بحارب طواحين الهوا -- وكلى هوهوا-- زى كلب حياته النياح -- وعمرى -- ما كان شىء تحت امرى -- لا اشتغلت خفير درك -- ولا وقعت ف شرك -- ولاكنت يوم فضاح -- الدنيا طويله وعريضه -- ومفهاش ميضه افضى زهق الرياح -- الحيله مقفوله بالمقتاح -- وخلصت الميه م الرشاح -- واللقمه الهنيه كلوها الاغنيه -- ونمت سهران مش قادر ارتاح ---- انا كده ميت مرتاح ----- مليش دعوه باللى جه اوراح -- ميت ف حالى -- وكلى مبالى -- وسؤالى للى عايش-- ومش حايش -- غير الم -- وعدم -- ونواح -- انت عابش ليه -- حتعمل بالدنيا ايه -- ماتيجى-- اسمعك اهازيجى -- ونروح سوى -- لجنه كلها سعاده ومغنى وافراح -- ونستغنى عن الدوشه والصياح -- الجنه طويله وعريضه - واخر براح-------------------------------------------------------------------- الشاعر \\ عبد العليم ابو عبده