مجلة شعراء موسيقى الشعر العربي.. الشاعر القدير سيد صادق ..قصيدة نزلت سوء الحظ ..تحياتي

نزلت سوق الحظ ..
ملقتش حظي فيه ..
قضيت اليوم بطوله..
حفيت عشان اﻻقيه
قالولي حظك راح
متسألش كتير عليه
قولت ابيع الهم ..
وفدان ونص غم
وبسعر نص كم
وﻻ حد راضي بيه
قولت طب ببلاش
وعليه حلم مجاش
قسط كمان مش كاش
و محدش مشتريه !!!

دخلت واتفرجت .
و زي ما دخلت خرجت ..
ﻻ بعت وﻻ اشتريت ..
ﻻ حظي ناوي يهل..
وﻻ همي ناوي يقل
غير بس ف الحواديت
يا خطوتي خفي ..
حظي ومتخفي
وهمي فوق كتفي
وﻻ حتي عارف ارميه
نزلت سوق الحظ
ملقتش حظي فيه

سيد صادق