الشاعر القدير عيد العليم أبو عبده ..قصيدة بعنوان مالها البصارة ..المحررة ليمار

عبد العليم ابو عبده
·
مالها البصاره
------------
مع زغبة بصله
وبتنجان بتوم
وعيش بتاو بحلبه
وتاكل وزى السبع تقوم
لاانت عايل هم بكرى
ولاعندك فكره
عن اللى مليان صحه
ولا المريض بالكحه
ولا اللى م الروماتيوم
مش قادر يقوم
مالها البصاره
---------
مالها البصاره
وعندك اورطة عيال
جاتها غاره الشطاره
مع دا وقف الحال
لاانته عارف توكل ولاتلبس
والغلا بيكبس
وجيبك م الفلوس خال
وياربتك بس بتحس
وكل يوم شغال
دا كل حنين ومنين
لما يجيك جنهين
اعمل بقرش وحاسب البطال
مالها البصاره
--------
مالها البصاره
والبطون تقوتها لقمه حاف
ادينى اماره
انى حواليك عدل او انصاف
انت شايف سكتك بالعافيه
وعيالك جتلهم الكافيه
ومين درى ومين شاف
ياعم دى كلابها على ديابها
وفيه ناس غاويه خرابها
وناس عايشه ع الكفاف
دا العدل بقى فجل
والتقوى سموها انحراف
مالها البصاره
---------
الشاعر \\\ عبد العليم ابو عبده
كلماتى ومسجله باسمى