حضنك يا أمى
للشاعر/ أحمد الشبراوى محمد
..................................
حضنك يا أمى يا أم الوفا
حب ودفا خدينى ضمينى
بين ذراعك بفرش حنانك
من برد أيامى غطينى
وبلمسة أناملك فى ليل الجفا
جففى يا أمى دموع عينى
من غيرك يسمع آهاتى
من غيرك يبكيه حرقة أنينى
نور ابتسامك على القمر وجهك
ينور ظلام ليلى ويحينى
ويزيل شقاء
روحى يسعدنى
يسقينى شهد عمرى يهنينى
كلمة يا أمى
لحن أغنى
يملأ حياتى أمل يهدهدنى يهدينى
باسمك أنادى ساعة سهادى
ورسمك يحلو لحظة منامى
وبنفسك أحيا طفولتى وشبابى
حتى فى شيبتى بيزيد حنينى
لهمسك ولمسك وشم عطرك
لجبر خاطرى وشيل همى
أدعى رب السما بجنته
يرضيك ...ومعاك فى جنته
يا عمرى يؤوينى يا أمى
ليست هناك تعليقات:
إرسال تعليق