............... خاص بالمسابقه /عاميه........
مستحيل أنساكي ثانيه
مهما كانت الظروف
إنتي بدايتي في الدنيا
و عمري عليكي ملهوف
انا من غيرك مساويش
ولا حياتي ليها معني
بدعواتك انا بعيش
وميعادنا نكون ف الجنه
ودعتيني من غير وداع
وكنتي ستر وغطا عليا
ونصايحك كانت شعاع
بتنور قدامي الدنيا
بعزتك ربتينا ع القناعه
وزراعتي الشهامه فيا
وسقيتي حياتي الطاعة
وشربتيني الأصالة والحنيه
الطيبة كانت عنوانك
وعمرك ما روحتي عن عينيا
والصراحة علي لسانك
واشجارك كانت حواليا
دموعك كانت في حنانك
وعمرك ما عرفتي القاسيه
والعطف كان في شريانك
وعطرك كان في إيديا
ريحتك لسه في مكانك
وكلماتك اللي كانت ليا
وسبحتك بعطر ريحانك
ومستحيل انساكي ثانيه
او أنسي أسقي بستانك
اللي مضلل ايامي ولياليه
من بعدك حزنت أغصانك
وكمان الدنيا لعبت بيا
والصبر كان عنوانك
وبفضلك زرعتيه فيا
هي دي أمي يا كل الناس
اللي كانت جوايا وحواليا
جواها بساتين الإحساس
والصبر في عروقها غيه
هي دي أمي اللي تعبت علشاني
والضحكه علي شفايفها صورة
خلت طعم الصبر حلو ف لساني
وعمرها ما عاشت مكسورة
اسمها شهد بيروي غيطان كياني
وقوة إحتمالها ايه و أسطورة
رسمت بسمتها وجواها بتعاني
وعمرها ما عاشت مقهوورة
الطيبه جواها بستان ورد وأماني
الأم وسام وفي القرأن مذكورة
عمرها ما قالت مره اه ياني
ومن كتر صبرها عاشت مستورة
_______________________________
.......... الشاعر حسن الشوان ..
ليست هناك تعليقات:
إرسال تعليق