الشاعر الكبير أحمد عبد الحق ..قصيدة بعنوان الحياة مولود هناك ..المحررة هبه

الحياه مولود هناك
وهنا الف حاله موت
وقصور فوق الرمال مسكونه
وقصور حقيقي
بس سكانها حبه تراب
حلم اكيد كداب
احلام اخرة مداها سكوت
وهناك مدافن ساكنها بشر
وقال ايه بيقولوا عليها
للاسف ارقي البيوت
الاثاث فيها تراب
والاحلام حاسسها سراب
ولما تحس بانك حقيقه
تسرح دقيقه
وتحلم بانك تعيش الحقيقه
مرسومه من خيوط العنكبوت
هي الحياه للاسف
كوشه وفرح
وهناك عروسه مستنيه الفرح
وهناك قلوب بتنجرح
واخر حلمها حته تابوت
قاسيه والله يادنيا مالك
لما تدي كل حاجه
وبرضو لما تخدي
بتخدي برضو كل حاجه
حتي لما تحبي تجرحيني
تدي ناس اصلا مفيش
ناس في الاصل مش محتاجه
عارفه هنا مولود
وهناك جوانا موت
ولو كنت فاكره
لماتبعدي اني هموت
وانك لما تعندي
يبقي كل حروفي سكوت
اطمني يا حب عمري
انا احسن حالاتي
وارقي حروفي وكتاباتي
لما اكون في لحظه تاءمل
لما اعيشك جوه نفسي
لما احسك لحظه سكوت
مش هموت
عارفه ليه
لانك سؤال ملهوش اجابه
والاجابه يعني رد
وبيني وبينك ياحبيبتي
لا تساولات
ولا حتي ردود
احمد عبد الحق