ماني قادر وحياتك
اوصف بحروف
لما بتلفي بوساتك
ع شفافي ضيوف
=
غيرك ماني مستحلي
يا سيد الكل
بعيوني مثل النحله
بشوفك ع الفل
مر لعندي شي ليله
يا بدري وطل
من غير ما يحسو اهلي
او عين تشوف
=
حبك والله جنني
قهر وتذويب
سهد واهات وعنه
ومر وتعذيب
دخلك لا تبعد عني
خليك قريب
تا اضمك شو متمني
لكن مكسوف
=
كلك لطافه ورقه
وحستك فتان
عقلي سرقته سرقه
وزودته جنان
لا تزيد بقلبي الحرقه
بصد وهجران
لو بس بتمرق مرقه
قلبي ملهوف
=
يا اسمر ماني قدك
قدك مياس
عطر الورد العا خدك
ذوق واحساس
سهرني ليله حدك
يا ابن الناس
واغمرني بس بيدك
اعمل معروف
== محمود شبيب ==
ليست هناك تعليقات:
إرسال تعليق