الخميس، 15 مارس 2018

وحشانى يا أمى .......بقلم الشاعر / سعيد الحاجه


اص بالمسابقه وحشانى يا أمى
وحشانى يا أمى وحشانى
من غيرك دبلت أغصانى
وفقدت أهلى وخلانى
وطالت سنينى وأيامى
فى وجودك
دموعك تنزل علشانى
وبعيونك تعرفى كل أحلامى
وتتمنى تكونى مكانى
وديما بتبقى سندانى
تسهرى تخففى ألامى
وتتعبى وأكون أنا الجانى
وحشانى يا أمى وحشانى
من بعدك الدنيا معندانى
مش لاقى حضن يدفينى
وحضنك كان هو أل حمينى
بيطبطب ويواسى سنينى
وحشانى يا أمى وحشانى
ديماً عيشه فى خيالى
وصورتك مرسومه جوانى
وصوتك بيرن فى ودانى
أه لو ترجعى من تانى
من غيرك عايش وحدانى
مفيش حد بيغفر لى
زى ما كنتى غفرالى
أكدب تسمحينى
وتشدى فى ودانى
ماأنت أل ولدانى
ولما أبكى
دموعك تبقى سبقانى
وأديكى تبقى حضنانى
موتى وسبتينى
أه لو ترجعى من تانى
أو يرجع العمر من تانى
طب تعليلى فى منامى
لو لسه حبانى
ضمينى مره من تانى
ولا فى الجنه نسيانى
وحشانى يا أمى وحشانى
بقلم كابتن |سعيد عبد العزيز الحاجه
Manage
1

مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)